Tovuq go‘shti, pishloq va sabzavotlar qo‘shib pishiriladigan taom juda mazali bo‘lib, pomidor unga yanada ajoyib ta’m qo‘shadi. Lifehacker nashri taqdim etgan ushbu retseptni, albatta, tayyorlab ko‘rishingizni tavsiya qilamiz.
— Manba: «Daryo» nashri.
Kerakli mahsulotlar:
- piyoz — 1 dona;
- sarimsoq — 2-3 bo‘lak;
- pishloq — 80 gramm;
- pomidor — 6 dona;
- o‘simlik yog‘i — 2 osh qoshiq;
- tovuq go‘shti qiymasi — 200 gramm;
- ko‘kat, tuz va ziravorlar.
Tayyorlanish jarayoni:
- Piyoz, sarimsoq, ko‘kat va pishloq mayda to‘g‘raladi.
- Pomidorning yuqori qismi ehtiyotkorlik bilan kesib olinadi.
- Ichi choy qoshiq yordamida o‘yib olinadi.
- Yog‘ o‘rtacha olovda qizdiriladi. Piyoz yumshagunga qadar qovuriladi.
- Ustidan sarimsoq qo‘shib, yana 30 soniya pishiriladi.
- So‘ngra tovuq qiymasi, to‘g‘ralgan pomidor qo‘shiladi. 5-6 daqiqa davomida qovuriladi.
- Tuz va ziravorlar qo‘shiladi va sovitishga qo‘yiladi.
- Tayyor bo‘lgan nachinka bilan pomidorlar ichi to‘ldiriladi. Ustidan qirg‘ichdan o‘tkazilgan pishloq sepiladi.
- Taxminan 20-25 daqiqa davomida 180 daraja qizdirilgan pechda pishiriladi.
Yoqimli ishtaha!
