Lifehacker nashri taqdim etgan navbatdagi ajoyib retsept mazali hamda to‘yimli oladyedir. Yegulikni tayyorlash uchun ko‘p vaqt sarflash shart emas.
— Manba: «Daryo» nashri.
Kerakli mahsulotlar:
- qovoqcha — 500 gramm;
- kurka go‘shti — 300 gramm;
- piyoz — 1 dona;
- un — 3 osh qoshiq;
- tuxum — 1 dona;
- o‘simlik yog‘i — 1-2 osh qoshiq;
- ko‘kat, tuz va ziravorlar.
Tayyorlanish jarayoni:
- Qovoqchani qirg‘ichdan o‘tkazib, tuz solinadi va suvi chiqquncha 5 daqiqaga qoldiriladi.
- So‘ngra sharbati siqib olinadi.
- Qovoqchaga kurka qiymasi, to‘g‘ralgan piyoz, ko‘kat va ziravorlar solinadi.
- Aralashmaga un va tuxum solinib yaxshilab aralashtiriladi.
- O‘simlik yog‘i tovaga quyilib, o‘rtacha olovda qizdiriladi.
- Oladyelar har ikki tomoni qizargunga qadar pishirib olinadi.
Yoqimli ishtaha!
