Maydalangan yong‘oq va murabbo qo‘shib tayyorlanadigan pishiriq sizga manzur keladi. Unga o‘zingizga yoqqan rezavor mevalarni qo‘shib yangi ta’m hosil qilishingiz mumkin.
— Manba: «Daryo» nashri.
Kerakli masalliqlar:
- tuxum — 2 dona
- shakar — 150 g
- tuz — 1 chimdim
- margarin — 250 g
- un — 450-500 g
- pishiriq kukuni — yarim qoshiq
- quyuq murabbo yoki jem — 300-350 g
- yong‘oq — 80-100 g
- shakar kukuni — ta’bga ko‘ra
Tayyorlanishi:
- Tuxumni avval shakar va tuz bilan, keyin esa yumshatilgan margarin bilan aralashtirib oling.
- Elakdan o‘tkazilgan unni pishiriq kukuni bilan aralashtirib yumshoq xamir hosil qiling.
- Xamirning uchdan bir qismini plyonkaga o‘rang va muzlatgichda 30-40 daqiqaga qoldiring. Ko‘proq qismini ham o‘rang va sovutkichda qo‘ying.
- Xamirning ko‘p qismini yoyib, uni pergament bilan qoplangan shaklga soling va kichik bo‘lakchalarni hosil qiling.
- Yong‘oqlarni maydalab, murabbo bilan aralashtiring. Xamirning ustiga murabbo va yong‘oqni solib yoyib chiqing. Mahsulotlarning ustiga muzlatilgan xamirni maydalab qo‘shing.
- Pirogni taxminan 30 daqiqa davomida 180 daraja haroratda pishirib oling.
- Pishiriqni dasturxonga tortishdan oldin ustiga shakar kukunini seping.
Yoqimli ishtaha!
