Tovuq va qovoqdan tayyorlanadigan kotletlar mazali ta’mga ega. Unga o‘zingizga yoqqan ko‘katlarni qo‘shishingiz mumkin. Lifehacker nashri qovoq qo‘shib tayyorlanadigan tovuqli kotlet retseptini taqdim etdi.
— Manba: «Daryo» nashri.
Kerakli masalliqlar:
- qovoq — 250 g
- piyoz — 1 dona
- sarimsoq — 2 donacha
- tovuq go‘shti qiymasi — 800-900 g
- tuxum — 1 dona
- tuz — 1 qoshiq
- murch — ta’bga ko‘ra
- un — 1-2 qoshiq
- o‘simlik yog‘i — 2 qoshiq
- suv — 50-70 ml
Tayyorlanishi:
- Qovoqni katta tishli qirg‘ichdan o‘tkazing yoki piyoz bilan birga blenderda aralashtirib oling. Qovoqni ozgina siqib oling. Sarimsoqni ham qirg‘ichdan o‘tkazing.
- Qiymani qovoq, tuxum, piyoz, sarimsoq, tuz va murch bilan aralashtiring. Agar qiyma juda suyuq bo‘lsa, unga ozgina manniy yormasi qo‘shing.
- Kichkina kotletlarni hosil qiling va uni unga qorishtirib oling. Qiyma qo‘llaringizga yopishib qolmasligi uchun suv bilan namlang.
- O‘simlik yog‘ini o‘rtacha olovda qizdirib oling. Kotletlarni har tomonini aylantirib 5-6 daqiqa qovuring.
- Bir oz suv qo‘shing, tovaning qopqog‘ini yoping va past olovda yana 7-10 daqiqaga qoldiring.
Yoqimli ishtaha!
