Uzumning muntazam iste’mol qilinishi terining holatini yaxshilashi va uning shikastlanishlarga chidamliligini oshirishi mumkin.
Manba: « Hi-Tech_Mail.ru ».
G’arbiy Yangi Angliya Universiteti olimlari shunday xulosaga kelishdi. Tadqiqot natijalari ACS Nutrition Science jurnalida chop etilgan.
Eksperimentda ko’ngillilar ikki hafta davomida har kuni uch porsiyaga teng miqdorda uzum iste’mol qilishdi. Bundan oldin va keyin tadqiqotchilar teridagi genlar faolligini, shuningdek, organizmning ultrabinafsha nurlar ta’siriga bo’lgan reaksiyasini tahlil qilishdi.
Ma’lum bo’lishicha, uzum iste’mol qilinganidan keyin barcha ishtirokchilarda terini himoya qilish bilan bog’liq genlar ishi o’zgargan. Olimlar, shuningdek, hujayralar shikastlanganda ko’tariladigan oksidlovchi stress markeri — malon dialdegidi darajasining pasayishini qayd etishdi.
Ish mualliflarining hisoblashicha, uzum terining tabiiy to’sig’ini kuchaytirishga yordam beradi va nafaqat unga, balki boshqa organlarga, jumladan jigar, mushaklar va hatto miyaga ham ta’sir ko’rsatishi mumkin.
