Uyquni yaxshilash va uyqusizlikka qarshi kurashish uchun dori-darmonlar, jismoniy mashqlar, kognitiv-xulq-atvor terapiyasi, relaksatsiya texnikalari va boshqa ko’plab usullardan foydalaniladi. Og’ir adyol bu borada qanday yordam berishi haqida so’z yuritamiz.
Manba: «Mail.ru Hi-Tech».
Hi-Tech Mail muallifi
Og’irlashtirilgan adyol — bu tana mahsulot bo’ylab taqsimlangan plastik, shisha yoki metall granulalar bilan to’ldirilgan katta yopqichdir. Bunday adyolning tanaga ko’rsatadigan bosimi bag’riga bosish hissini paydo qilib, bo’shashish va tashvishlanishni kamaytirishga yordam beradi. Terapevtik maqsadlarda vazndan foydalanish g’oyasi 1992 yilda, tadqiqotchi Templ Grandin autizmga ega odamlar uchun «Quchoqlash mashinasi»ni (Hug Machine) ishlab chiqqanda paydo bo’lgan. Mashina inson tanasiga bir me’yorda va chuqur bosim o’tkazib, asab tizimini tinchlantiradi.
2024 yilning oktyabr oyida Flinders Universiteti olimlari kechasi og’irlashtirilgan adyoldan foydalanish nafaqat uyqusizlikka qarshi kurashishga yordam berishini, balki kayfiyatni yaxshilashini hamda uyqu dorilarini iste’мол qilishni kamaytirishini aniqladilar. Bu uyquni, demakki, umumiy sog’likni yaxshilashning samarali, dori-darmonsiz usulidir. Jamoa turli kasalliklarga ega barcha yoshdagi odamlarda uyquni davolash usuli sifatida og’irlashtirilgan ko’rpalardan foydalanish bo’yicha 18 ta tadqiqotni tahlil qilib chiqdi.
Og’irlashtirilgan adyol ostida uxlab qolgan kattalar yaxshiroq uxlay boshlaganliklarini va o’zlarini tetik his qilganliklarini aytishdi. Ular uyqusizlikka qarshi dorilarga kamroq ehtiyoj sezishdi va og’riqlardan kamroq shikoyat qilishdi. Bolalar uchun natijalar unchalik bir xil bo’lmadi. Ba’zi hollarda og’irlashtirilgan adyollar diqqat yetishmasligi va hiperaktivlik sindromi (DEGS) yoki autizm sektri buzilishlari (ASB) bo’lgan bolalarda uyqu sifatini cheklangan darajada yaxshilanishini ta’minladi. Biroq boshqa tadqiqotlar bunday adyollarning bolalarning kundalik faoliyatiga ijobiy ta’sirini ko’rsatdi.
Ko’p ishlaydigan odamlar tez-tez uyqusizlikka duch kelishadi. Oddiy texnikalar yordamida uyquni qanday yaxshilashni aytib berdik.
