Manba: AP Photo
Gretsiyada 54 yoshli ayol 22 yil davomida muzlatib qoʻyilgan embriondan foydalanib, farzandli bo‘ldi. Bu haqda Sky News xabar berdi.
— Манба: «Daryo» нашри.
Kristina Rapti-Tselepi va uning 60 yoshli eri 2025-yilda 21 yoshli o‘g‘li Giorgosni yo‘l-transport hodisasi oqibatida yo‘qotgach, yana ota-ona bo‘lishni istagan. Gretsiyada ayollarga sun’iy urug‘lantirish (EKO) muolajasi faqat 54 yoshgacha ruxsat etiladi. Shu sababli er-xotin vakolatli idoradan ruxsat olishi kerak bo‘lgan.
“Menda bor-yo‘g‘i ikki yarim oylik muddat bor edi. Bu stressli vaziyat, lekin ichki kuch, shifokorimiz va uning butun jamoasi bilan barcha to‘siqlarni yengib o‘tdik”, dedi Rapti-Tselepi.
U 9-sentyabr kuni Afinada og‘irligi 3,49 kilo boʻlgan qizni dunyoga keltirgan. Unga Kristinaning marhum o‘g‘li sharafiga Jorjiya deb ism qo‘yilgan. Giorgios ham EKO orqali tug‘ilgan edi.
“Biz hayotga ikkinchi imkoniyat berishga, yangidan boshlashga, uyimizga yangi hayot olib kirishga va oilamiz tarixini davom ettirishga qaror qildik”, dedi ayol.
Rapti-Tselepining ginekologi va Gretsiya reproduktiv tibbiyot jamiyati rahbari Kostas Pantosning ta’kidlashicha, EKO muolajalari bo‘yicha yosh cheklovlarini qayta ko‘rib chiqish lozim. Buning sababi mamlakatda tug‘ilish darajasi pasayib borayotganidir.
“Menimcha, bu (ota-onalar) mahrum qilinmasligi kerak bo‘lgan huquq”, dedi u.
Juftlik yana bir farzand ko‘rishga urinishni ham istisno qilmayapti. Buning uchun xorijga borishlari ham mumkin.
Ma’lumot oʻrnida, 2025-yili AQSHda er-xotin 30 yildan ortiq vaqt davomida muzlatilgan embriondan foydalanib, o‘g‘il farzandli bo‘lgandi. Ushbu holat Ginnesning rekordlar kitobiga kiritilgan.123
.jpg)
