Рубрика: Таклифномалар ва табриклар матни

Салом божа, қалайсиз,
Нега мўйлов силайсиз?
Айтганча, мўйлов ошни,
Осмасдан қовоқ-қошни,
Қилиб берсангиз тезроқ,
Озидан кўпи созроқ.

Салом кундош — дугонам,
Биз эмасмиз бегона.
Туғилган кунинг бу кун,
Зиёфат бўлсин тўкин.
Сенга деб торт пиширдим,
Сода солиб шиширдим.

Қўшним қизи хадича,
Хар кунги одатича,
(Эски бир қўшиқ матни,
Жимирлатади этни!…),
Эрта туриб (онаси),
Бу «одоб» нишонаси,

Туғилган кунинг билан,
Муборакбод этайин.
(Дўстим бўлганинг билан,
Сен барибир бетайин!).

Дугонажон қутлайман,
Туғилган кунинг билан.
(Учрашувга чиқмайман,
Билиб қўй сенинг билан!
Ёқтириб қолса мени,
Ташлаб кетади сени!).

Туғилган кунинг бу кун,
Сени табрикламоқ фарз.
Сотиб олай гул бугун,
Фақат бериб тургин қарз!…

Ўзинг жуда яхши одамсан,
(Асосийси ухлаган пайтинг).
Баъзан дилгир, баъзан беғамсан,
(Нимасини мақтайман, айтинг!).

Осмондаги юлдузим,
Қараб тўймайди кўзим.
Осмондаги ойимсан,
(Лекин ойим эмассан).
Бахордаги гулимсан,
(Лекин бир оз сўлибсан).