Albatta, har bir odam tomoq og‘rig‘iga duch keladi, takroriy tomoq og‘rig‘i va tez-tez shamollashni shunchaki immunitet tizimining zaiflashishi natijasi deb o‘ylashi mumkin. Ammo bu zararsiz ko‘rinadigan alomat jiddiy muammolarni keltirib chiqarishi mumkin.

  — Manba: «Daryo» nashri.

Foto: Pinterest

Bodomchasimon bez immunitet tizimining ajralmas qismidir. Uning asosiy vazifasi organizmga potogen bakteriya va viruslar kirishidan himoya qilishdir.

Surunkali tonzillit — bu bodomchasimon bezlarda uzoq davom etadigan infeksion yallig‘lanish jarayoni.

Keltirib chiqaruvchi omillar:

  • o‘tkir respirator virusli va bakteriyali infeksiyalar;
  • tishlarda kariyes;
  • og‘iz bo‘shlig‘i kasalliklari;
  • immunitet tizimining pasayishi.

Belgilari:

  • tomoq va tanglay orqa qismining qizarishi;
  • bodamchasimon bezlarning kattalashishi;
  • bodomchasimon bezda yiringli tiqinlar paydo bo‘lishi;
  • pastki jag‘ ostidagi limfa tugunlari kattalashadi va paypaslaganda og‘riq beradi.

Surunkali tonzillit davrida tomoqda og‘riq, qichishish, narsa turgandek bo‘lishi, og‘izdan hid kelishi mumkin.

Аsoratlari:

  • revmatizm – biriktiruvchi to‘qmalarga zarar yetkazadigan tizimli yallig‘lanish, ko‘pincha yurak klapanlari zararlanishi natijasida yurak kasalligi kelib chiqishi.
  • revmatoid artirt – bo‘g‘imlarning autoimmun kasalligi;
  • glomerulonefrit – buyrak kasalligi bo‘lib, buyrak qurishiga olib kelishi;
  • tireoidit – qalqonsimon bez kasalligi.

Surukali tonzillitni davolash:

Lor shifokori kuzatuvi va tavsiyalari asosida bajarish kerak.

Dori-darmonlar bilan davolash:

  • antiseptiklar bilan bodomchasimon bezlarni yuvish, tomoqni chayish;
  • organizimni immun tizimini rag‘batlantiruvchi dori-darmonlar;
  • organizimni chiniqtirish, sog‘lom turmush tarzi;
  • surunkali tonzillit davrida antibiotiklar qabul qilish.

Davolash natija bermasa, tez-tez qaytalanaversa, asoratlar qo‘shilsa, jarrohlik usuli bilan, ya’ni tonzilloektomiya – bodomcha bezlarni olib tashalash amalga oshiriladi.

Shifokor Xurshid A’zamxo‘jayev tavsiyalari asosida tayyorlandi.

От qwert.uz