Olma ozuqa moddalariga boy meva hisoblanadi. Uni kattalar ham, bolalar ham sevib iste’mol qiladi. Xo‘sh, ushbu mevani iste’mol qilish foydalimi yoki salbiy ta’sir ham mavjudmi? Wday nashri quyida ushbu savolga javob berdi.
— Manba: «Daryo» nashri.
Kechasi olma iste’mol qilish foydalimi?
Olma past kaloriyali mahsulotdir. U yog‘larni o‘z ichiga olmaydi, lekin vitamin, minerallar, makro va mikroelementlarga ega. Olmani yangiligicha va quritilgan holda ham iste’mol qilish foydali. Biroq yotishdan oldin yangisini iste’mol qilish yaxshidir, chunki quritilgan olma juda yuqori kaloriyaga ega hisoblanadi.
Parhezdagilarga ko‘k yoki nordon navlarini iste’mol qilish tavsiya etiladi. Unda shakar kamroq. Olmalar ishtahani vaqtincha bostiradi va shu bilan birga oshqozon osti bezi shirasini ishlab chiqarishni tezlashtiradi. Shuning uchun bir necha soatdan keyin ochlik hissi yana paydo bo‘ladi. Biroq yotishdan oldin sendvichdan ko‘ra olma iste’mol qilish yaxshidir, bu vaznga ijobiy ta’sir qiladi.
Olma ovqat hazm qilishni yaxshilaydi, toksinlarni chiqarib tashlaydi va immunitet tizimini mustahkamlaydi. Kechasi organizmdagi barcha jarayonlar sekinlashadi va meva tarkibidagi kletchatkaning yuqori miqdori tufayli ovqat hazm qilish jarayoni susayadi. Natijada og‘riq va shish paydo bo‘ladi.
Kechasi olma iste’mol qilish mumkinmi?
Yotishdan oldin olma oshqozon-ichak muammolari va qandli diabetga chalingan odamlarga mumkin emas. Hatto mevaning kichik bir bo‘lagi ham oshqozonda kuchli og‘irlikka olib keladi.
Agar ochlik hissi bo‘lmasa, meva iste’mol qilmagan ma’qul. Kechasi nimadir iste’mol qilish istagi zerikish yoki bekorchilikdan kelib chiqadi. Shuni tushunish kerakki, bunday gazaklar organizmni ishlashga majbur qiladi, ammo tunda har bir organ dam olishi kerak. Aks holda metabolizm buziladi, bu jiddiy kasalliklar va vazn ortishiga olib keladi.
Kechasi olma iste’mol qilish mumkin, agar:
- Parhezga rioya qilish kerak. Oziq moddalar tanqisligini to‘ldirish uchun kuniga 3-4 marta sabzavot va mevalarni iste’mol qilish tavsiya etiladi.
- Ovqatlanishni o‘tkazib yubormaslik lozim. Kechki ovqat 2 soat davomida to‘qlik hissini beradi, keyin yana ochlik hissi paydo bo‘ladi, chunki organizm vitamin, minerallar va boshqa moddalarning kunlik normasini olmaydi.
- Kechqurun sport zalida mashq qilish mumkin. Mashq qilish orqali organizm energiya sarflaydi. Shuning uchun kuchni tiklashga yordam beradigan olma iste’mol qilishga ruxsat beriladi.
Shuningdek, olma tishlarni yaxshi tozalaydi, milklarni massaj qiladi va yoqimsiz hidni yo‘q qiladi. Qattiq sabzavot va mevalar ham xuddi shunday ta’sirga ega.
